Harold Raeburn | |
Statsborgarskap | Storbritannia |
Fødd | 21. juli 1865 Edinburgh |
Død |
21. desember 1926 (61 år) |
Yrke | ornitolog, fjellklatrer |
Språk | engelsk |
Harold Andrew Raeburn (21. juli 1865–21. desember 1926) var ein britisk-skotsk fjellklatrar og bryggar, fødd og død i Edinburgh.
Raeburn, som var ungkar heile livet, klatra mange ruter på Ben Nevis åra 1896-1901. Frå 1902 klatra han i både Alpane og i Noreg. I juli 1903 var han mellom dei fyrste kjende bestigarane av Sætretindane og Grøtdalstindane i Sunnmørsalpane. Somrane 1913 og 1914 var han med på ekspedsisjonar som nådde toppen av fire av dei største fjella i Kaukasus. I 1920 var han med ein ekspedisjon til Kantjendjunga, og året etter leia han eit klatrelag som undersøkte tilhøve for å bestige Mount Everest. Her vart han alvorleg sjuk og leid av dårleg helse til han døydde.
Attåt fjellkliving dreiv Raeburn med seglsport og var ein framifrå ornitolog.